මීගමුවේ ලිට්‍රෝ ගෑස් බෙදාහැරීමේ ප්‍රමුඛ පෙළේ ව්‍යාපාරිකයෙකු ලංකාවේ ගෑස් කර්මාන්තය ගැන කියයි.

"2020දී ඇති වූ ගෑස් හිඟය, කොවිඩ් වසංගතය, සහ ඊට අනතුරුව ආර්ථික අර්බුදය නිසා අප සැලකිය යුතු අභියෝගයන්ට මුහුණ දෙන්නට සිදු වුණා. එම ගැටළු හේතුවෙන් බෙදාහැරීමේ ක්‍රියාවලියන් මෙන්ම පාරිභෝගිකයින්ගේ විශ්වාසයද පළුදු වූ බව සත්‍යක්. නමුත් 2022 සිට, ලිට්‍රෝ ගෑස් නැවත සිය බලය ලබා ගනිමින් වෙළඳපලය ශක්තිමත් කිරීමට කැප වුණා."

මේ වන විට, ගෑස් බෙදාහැරීමේ ක්‍රියාවලිය ස්ථායී මට්ටමකට පත්ව ඇති අතර, විශේෂයෙන් සංචාරක කර්මාන්තය යළි නගා සිටීමට මෙය බලපා ඇත. සංචාරක හෝටල්, අවන්හල්, සහ ආදායම සංචාරකයින් මත රඳාපවතින ව්‍යාපාර සදහා ගෑස් සැපයුම අතිශයින්ම වැදගත්ය.

"අපගේ ව්‍යාපාරය නව තාක්ෂණික ක්‍රමවේදයන් සහ නව ආයෝජන වලින් ශක්තිමත් කරමින්, පාරිභෝගිකයන්ට වඩාත් විශ්වාසදායක සහ ඉක්මන් සේවාවක් ලබාදීමට අපි කැපවෙනවා. ගෑස් සැපයුම යායුතු ස්ථානවලට කඩිනමින් ගෙන යාමට අවශ්‍ය ලොජිස්ටික් සහ ආරක්ෂිත සැලසුම් අපගේ කළමනාකාරිත්වය මගින් ක්‍රියාත්මක කිරීමට නියමිතයි."

තවද, බෙදාහරින්නන්ගේ දෙවන පරපුරද මේ ක්ෂේත්‍රය තුළ ව්‍යාපාරය තවදුරටත් ව්‍යාප්ත කරමින් අලුත් සංකල්ප ගෙනෙමින් සිටීම සතුටට කරුණක් බව ඔහු තව දුරටත් පැවසුවා. 

"අපේ ව්‍යාපාරය 27 වසරක ඉතිහාසයක් සහිතයි. දැන් එය දෙවන පරපුර අතට පත්වීම සතුටක්. ඔවුන් වඩාත් නවීනකරණය කළ ක්‍රමවේදයන් සහිතව, ඉදිරි අවුරුදු ගණනාවක් තිස්සේ පාරිභෝගිකයින්ට සහ වාණිජ අංශයට නොනවතින සේවාවක් ලබාදීමට කටයුතු කරන බව මට විශ්වාසයි. එය අපගේ ව්‍යාපාරයේ අනාගත පැවැත්මට අතිශයින්  වැදගත්."

ඉදිරි දැක්ම පිළිබඳව අදහස් දැක්වූ ඔහු, ශ්‍රී ලංකාව ප්‍රමුඛ  සංචාරක ගමනාන්තයක් ලෙස ගොඩනැගීම සම්බන්ධයෙන්  ද  ලිට්‍රෝ ගෑස් ඉමහත් බලපෑමක් බවට කරුණු දැක්වූවා. 

"රජය සංචාරක කර්මාන්තය වර්ධනය කිරීම සඳහා වැඩපිළිවෙල ක්‍රියාත්මක කරමින් සිටින බව අපි දන්නවා. සංචාරක කර්මාන්තයේ පැවැත්මවට අවශ්‍ය  මූලික පහසුකම් අතර ගෑස් අත්‍යවශ්‍ය අංගයක්. දහනය සහ ආහර පිළිබඳව අවශ්‍යතාවය  සංචාරක ව්‍යාපාරයේ  මුල්තැන ගන්නක්. එම නිසා, ලිට්‍රෝ ගෑස් වැනි විශ්වාසදායක ගෑස් සැපයුම්කරුවන්ගේ සවිමත්භාවය සංචාරක අර්බුදයන් ජය ගැනීමටද මහත් ආධාරයක්."

වෙනත් ව්‍යාපාර අංශ පිළිබඳවද අදහස් දැක්වූ ඔහු, අනාගතයේදී ගෑස් සැපයුම සඳහා කෙරෙන නව සංවර්ධන සහ ආයෝජන පිළිබඳව දැක්මක් ඉදිරිපත් කළේය.

"අපගේ අරමුණ වන්නේ, ගෘහස්ථ සහ වාණිජ අංශයට නොකඩවා සුරක්ෂිත සහ අඛණ්ඩ ගෑස් සැපයුමක් ලබාදීමයි. ලොජිස්ටික් සහ බෙදාහැරීමේ ක්‍රියාවලිය තවදුරටත් ප්‍රශස්ත කිරීම සඳහා, නව තාක්ෂණික ආයෝජන කරන්න අපි සූදානම්."

අවසන් වශයෙන්, "ලිට්‍රෝ ගෑස් ශ්‍රී ලංකාවේ ප්‍රමුඛතම ගෑස් සැපයුම්කරුවා ලෙස, ඉදිරි දශකය තුළ තවදුරටත් ශක්තිමත් වෙමින්, ආරක්ෂාව, විශ්වාසය සහ ගුණාත්මකභාවය රඳාගෙන සිටිනු ඇත." යන අදහසද ඔහු ප්‍රකාශ කළේය.