පරෙස්සමෙන්.! දර භාවිතය මිනිස් සෞඛ්‍යයටත්, මිහිතලයටත් අහිතකරයි.

වර්තමානයේ ගෘහණියන් බහුතරයක් දෙනා කාර්යබහුල ජීවිතයක් ගත කරන නිසා, ඉවුම් පිහුම් කටයුතු වලට භාවිතා කරන්නේ LP ගෑස්. වර්තමානය වෙද්දී විවිධ ව්‍යාපාර කටයුතු සඳහා මූලික ශක්ති ප්‍රභවයක් ලෙස භාවිතා කරන්නේ LP ගෑස්. නමුත් අතීතයේ බහුතරයක් දෙනා දර භාවිතයෙන් තමන්ගේ එදිනෙදා ආහාර පිසීමේ කටයුතු සිදු කළ අතර, අදටත් ඉතාම සීමිත පිරිසක් දර භාවිතයෙන් ආහාර පිසීමේ කටයුතු සිදු කරනවා.

ඇත්තටම දර භාවිතා කිරීමට වඩා LP ගෑස් භාවිතා කිරීමෙන්, විවිධ සෞඛ්‍ය ප්‍රතිලාභ රැසක් ලබා ගැනීමට හැකියාව තියෙනවා. දර වැනි ඉන්ධන ප්‍රභවයන් භාවිතා කිරීමේදී ගෘහස්ථව සිදුවන වායු දූෂණය අධිකයි. මේ හේතුව නිසා ලොව පුරා වසරකට මිලියන හතරකට ආසන්න පිරිසක් විවිධ ශ්වසන රෝග නිසා මිය යනවා.

එයට හේතුව දර භාවිතා කිරීමේදී අධික කාබන් ප්‍රමාණයක් පරිසරයට නිකුත් කිරීමයි. LP ගෑස් වලට සාපේක්ෂව මෙම කාබන් ප්‍රතිශතය 150%කටත් වඩා වැඩි බව පරීක්ෂකයන් පෙන්වා දෙනවා. දර භාවිතයෙන් ආහාර පිසීමේදී සෘජුවම දහනය වන වායුන් වලට නිරාවරණය වීමෙන් විවිධ රෝගාබාධයන් වැළඳීමට තියෙන ඉඩකඩ වැඩියි. ඉතින් දර භාවිතයෙන් ඉවත් වෙලා LP ගෑස් භාවිතයට ගැනීමෙන් ඔබත් ඔබේ පවුලේ අයටත් නිරෝගිමත් සුවබර උදාකරගන්න පුළුවන්.