ලිට්රෝ ගෑස් සමාගමට විටින් විට ආ ප්‍රශ්න ගැටලු සහ ඒවා ඔවුන් ජයගත්ත ආකාරය.

1872 වර්ෂයේදී රත්මලාන ප්‍රදේශයේදී කොළඹ ගෑස් සහ ජල සමාගම නමින් ආරම්භ වූ ලිට්රෝ ගෑස් සමාගම අද වන විට සංවර්ධනය වෙමින්, විකාශය වෙමින් විවිධ කඩයිම් රැසක් පසු කෙරූ ලංකාවේ අංක එකේ සමාගමකි.

වර්තමානය වන විට වෙළඳපළේ LP ගෑස් සැපයුමෙන් 75% කටත් වඩා වැඩි ප්‍රමාණයක් නිෂ්පාදනය කරන ලිට්රෝ සමාගම විටින් විට විවිධ අභියෝග සහ බාධක රැසකට මුහුණ දුන් ආයතනයකි. කෙසේ නමුත් ඒ සියලුම අභියෝග සහ බාධක ඔවුන් ජය ගැනීමට එම සමාගම සමත් විය.

ඔවුන් මුහුණ දුන් ප්‍රභල අභියෝගයක් වූයේ ගෑස් හිඟයක් නිසා ලංකාවේ පෝලිම් යුගයක් නිර්මාණය වූ කාල වකවානුවයි. ලංකාවේ ආර්ථික තත්ත්වයත් සමඟ ගෑස් පිටරටින් ගෙන්වීමට විවිධ බාධක අභියෝග ආ නිසාත් කළමනාකාරීත්වයේ දුර්වලතාවයන් නිසාත් ගෑස් හිඟයක් නිර්මාණය විය. නමුත් ලෝක මූල්‍ය අරමුදලෙන් ලබාගත් ණය මුදල් නිසි ලෙස කළමනාකරණය කර ගනිමින් එවකට සභාපතිත්වය දැරූ ගරු මුදිත පීරිස් මහතා ගෑස් සිඟයට කඩිනම් විසඳුම් ලබාදුන්නේය. ඊට අමතරව ඉදිරි කාල වකවානුවටත් ඇතිවෙන ලෙස ඔහු අතිරික්ත ගෑස් සිලින්ඩර් ප්‍රමාණයක්ද ලංකාවට ආනයනය කිරීම සිදුවිය.

මෙම කාල වකවානුව තුළ ගෘහස්ථ ගෑස් සිලින්ඩර පිපිරීමේ සිදුවීමකට සේවා දායකයන් මුහුණ දුන් අතර බොහෝ දෙනා සඳහන් කළේ ලිට්රෝ ගෑස් ප්‍රමිතියෙන් තොරව වෙළඳපළට පැමිණිි වගයි. නමුත් එය එසේ නොවන බව හොඳින් දන්නා ලිට්රෝ සමාගම ගෑස් වල යම් කිසි සංයුතියක් හෝ වෙනස් වීමක් තිබේ නම් ඒ ආකාරයෙන් ජීවිත අනතුරට ලක්වූවන්ට රුපියල් මිලියනයක රක්ෂණ ආවරණයක් ලබාදීමට තීරණයය කළේය. නමුත් ගෑස් වල ප්‍රමිතියේ කිසිදු වෙනස්වීමක් නොමැති බව සනාථ වූූ පසු ලිට්රෝ සමාගම පිළිබඳව තවදුරටත් බහුතරයක් දෙනාගේ විශ්වාසය වැඩි විය.

මෙම කාලසීමාවේදී ලිට්රෝ සමාගම ගෑස් භාවිතා කිරීමේදී ආරක්ෂාකාරී විය යුතු ආකාරය පිළිබඳව ජනතාව දැනුවත් කිරීමේ වැඩසටහන් ක්‍රියාත්මක කළේය.

මීට අමතරව ලෝක වෙළඳපොළේ ගෑස් මිල අධික ලෙස ඉහළ යන කාලවකවානුවක් තුළ, ලංකාවේ ගෑස් වෙළඳපළේ මිල ගණන් ඉහළ යාම සිදුවිය. එම නිසා බහුතරයක් දෙනා ගෑස් මිලදී ගැනීම අඩු කළ අතර ලිට්රෝ සමාගම එම අභියෝගයක් ජය ගත්තේ මිල සූත්‍රයක් හඳුන්වා දෙමින් ජනතාවට සහන පිට සහන ලබා දෙමින්ය.

මේ අපි සඳහන් කළේ ලිට්රෝ සමාගම මෑත කාලයේදී මුහුණ දුන් අභියෝග කීපයක් පමණයි. ලිට්රෝ සමාගම එම අභියෝග එකින් එක ජයගෙන අධික ලාභයක් ලබාගෙන ලාභාංශ වශයෙන් කොටස් රජයට ගෙවීම ද සිදුවිය.

රාජ්‍ය ආයතනයක් වශයෙන් අන් සමාගම්ද, ලිට්රෝ සමාගම බාධක සහ අභියෝගවලට මුහුණ දෙමින් ඉදිරියට ආ ගමන් මඟ පිළිබඳව අවබෝධයක් ගත යුතුමයි.